- බොදුබල සේනා
සඟරුවනට අභියෝග කරන සිරිතක් මට නෑ
- විමල් වීරවංශ
අභියෝගයට ප්රති අභියෝග කිරීමට තමාගේ බලාපොරොත්තුවක් නැතැයි අමාත්ය විමල් වීරවංශ මහතා පවසයි.නෝර්වේ, අමෙරිකාව සහ යුරෝපා රටවලින් ආධාර ලබාගත් බව ඔප්පු කරන ලෙස බොදුබල සේනා සංවිධානයේ මහලේකම් පූජ්ය ගලගොඩඅත්තේ ඥානසාර හිමියන් කළ අභියෝගයටප්රතිචාර දක්වමින් අමාත්යවරයා කියා සිටියේ.''ගෞරවනීය, පුජනිය, වන්දනීය භික්ෂුන් වහන්සේලාට අපි ඉතාමත් ගෞරව කරනවා. උන්වහන්සේලා සමග අපේ දේශපාලනය මුළුමනින්ම ගැට ගැහිලා තියනවා. එම තත්වය තුල බෞද්ධ හිමි නමක් අභියෝග කළාට, ඊටප්රතිඅභියෝග කිරීමේ සංස්කෘතියක් අපට නැහැ'' යනුවෙනි.
විමල් විරවංශ අමාතවරයා තම සංවිධානයට නෝර්වේ, අමෙරිකාව ඇතුළු බටහිර රටවලින් අරමුදල් ලැබුනු බවට ඔප්පු කළහොත්, ජාතියෙන් සමාව ගෙන පැය 2ක් ඇතුළත තම සංවිධානය විසුරුවා හරින බවටත්, එසේ ඔප්පු කිරීමට නොහැකි වුවහොත් විරවංශ මහතා ඇමති ධුරයෙන් ඉවත්වී අමුඩයක් ගසා ගෙන ගෙදරයායුතු බවටත් බොදු බල සේනා සංවිධානය ඊයේ (13) පැවති මාධ්ය හමුවකදී ඥාණසාර හිමියන් ඇමතිවරයාට අභියෝග කළේය.
බොදු බල සේනා සංවිධානයේ මහ ලේකම් රාජකීය පණ්ඩිත ගලබොඩඅත්තේ ඥාණසාර හිමියන් විසින් ඊයේ කල අභියෝගයට පිළිතුරු දෙමින් විමල් වීරවංශ අමාත්යවරයා පැවසුවේ, එම අභියෝගය උන් වහන්සේ විසින් කලයුත්තේනෝර්වේ තානාපති කාර්යාලයට සහ ඩිලන්ත විතානගේ නම් එම සංවිධානයේ ප්රධාන අණදෙන නිලධාරියා හට බවය.
නෝර්වේ තානාපති කාර්යාලය මාධ්යට ප්රකාශ කළ කරුණු සහ 'නොර්වේ ඒජන්ත' ඩිලන්ත විතානගේ මහතා විසින් Asia Tribune වෙබ් අඩවිය වෙත පල කරන ලද අදහස් තමන් විසින් ප්රකාශ කළ පමණක් බැවින් එම අභියෝගය අදාල වන්නේ ඔවුන්ට බවද අමාත්යවරයා කීය.
තවද ඉන්දීය ශිව සේනා පක්ෂය සහ වෙනත් බෞද්ධ නිකායක් හා අමාත්යවරයා සම්බන්ධ යයි නැගුණු චෝදනාවලට පිළිතුරු දෙමින් අමාත්යවරයා කියා සිටියේ,උන්වහන්සේගේ එම ප්රකාශය පිළිබඳව තමන් විමතියට පත්වූ බවයි. භික්ෂුන් වහන්සේ නමක් එලෙස පදනම් විරහිත ප්රකාශයක් කිරීම නොසුදුසු බව තමාගේ අදහස බවද ඇමතිවරයා පැවසිය.
කෙසේවුවද, ඥානසාර හිමියන් ඊයේ පැවති මාධ්ය හමුවේදී කියා සිටියේ, ඇමති විමල් විරවංශ මහතාට ඉන්දීය ශිව සේනා පක්ෂය සමග සබඳතා ඇති බවයි.
ඇමති විමල් විරවංශ මහතාගේ බිරිඳ ශිව සේනා පක්ෂයේ මුදල් ආධාර ලබන පාදුක්ක ප්රදේශයේ භික්ෂුන් වහන්සේ නමක සමග කටයුතු කරන බවද උන්වහන්සේ එහිදී සඳහන් කළහ. කෙසේ වෙතත් ඉන්දීය ශිව සේනා පක්ෂය ගැන දන්නේ පුවත්පත් වලින් පමණක් බව පැවසු ඇමතිවරයා, ඥාණසාර හිමියන් පවසන බෞද්ධ නිකායන්ගේ නම ඇසුවේද අද බව වැඩිදුරටත් කියා සිටියේය
No comments:
Post a Comment